За излез преку Табановце се чека и по 45 минути
На граничниот премин Табановце денеска е забележана зголемена фреквенција на возилата особено за излез од Македонија.
Времето на чекање е околи 30-45 минути за излез од државата, соопшти АМСМ, додавајќи дека на другите гранични премини нема подолги задржувања ниту за влез, ниту за излез од Македонија.
Сообраќајот на државните патишта се одвива по суви коловози, а интензитетот надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.