Дури 72 отсто од компаниите во Германија веќе им исплатиле бонуси на своите вработени поради инфлацијата, додека уште 16 отсто од компаниите планираат да го сторат тоа наскоро, покажуваат податоците на Економскиот институт Ифо. Само 12 отсто од компаниите не планираат да плаќаат премии.

Работодавачите имаат право да им плаќаат до 3.000 евра без даноци и придонеси на вработените од октомври 2022 година до крајот на оваа година поради поскапувања, пишува магазинот „Феникс“.

Од Институтот посочуваат дека малите компании со вакви исплати на бонуси сакаат да ги мотивираат своите вработени, додека големите компании ги даваат пред се затоа што тоа го предвидуваат колективните договори. Причините за исплата на бонуси речиси за секоја втора  компанија се даночните поволности и конкурентноста на пазарот на трудот.