Србија утре ќе продолжи со ублажување на мерките воведнеи поради пандемијата од коронавирус, додека статистиката во последните 24 часа бележи 31 новозаразен и еден починат од кови-19.

Од почетокот на епидемијата на 6. март починаа 243 лица, од вкупно 11.412 заразени. Процентот на смртност е 2,13 отсто во однос на 2.06 отсто од почетокот на епидемијата.

Во понеделник ќе продолжи дополнителното ублажување на мерките кои беа на сила од воведувањето на вонредната состојба на 15 март и продолжија по укинувањето на 8 мај, објавија денеска здравствените власти.

Ќе се дозволат собири до 1.000 лица на отворен простор, што вклучува и публика на спортските настани, со држење на физичка дистанца од еден метар.

Во затворен простор и натаму може да се собираат максимум 100 луѓе.

Од 1.јуни граѓаните можат на лично барање да се тестираат од коронавирусот, а цената на тестот ќе биде нешто повеќе од 10 евра.