Во Ирак во јуни е забележан 600 процентен пораст на случаи на коронавирус.

На најголемите ирачки гробишта се закопуваа 70 до 80 тела дневно на жртвите на заразата, а се очекува таа бројка да се зголеми зошто здравствената структура на таа земја со десетлетија беше уништувана од војни, санкции и корупција.

На Јусеф Х. поради коронавирусот му починаа родителите и сестрата.

„Го потценија вирусот. Не знаеја како да се заштитат. Сега сме исплашени  и 100 % уверени дека коронавирусот е сериозна болест“, рече Јусеф за Си Ен Ен.

Погребувањето на починатите од ковид -19 на најголемите ирачки гробишта се случува ноќе, кога ќе попуштат горештините. На погребот не присуствува семејството па последните молитви до починатите ги упатуваат за нив непознати лица – ирачки војници.

Медицинските работници предупредуваат на појавата на коронавирусот меѓу персоналот во болниците.

„Бев со своето семејство кога водичот во болницата ме викна и ми рече дека сум позитивен на коронавирус. Тоа е момент кога се поздравувате со своето семејство, со своите деца и не знаете дали ќе се вратите“, рече анестезиологот Ала Хусеил ал-Талакани.

„Дојде до пораст на заразените во нашата земја зошто властите не ги воведоа вистинските мерки за заштита и зошто прерано ги отворија пазарите и дуќаните“, додаде тој.

Во Ирак досега се забележани повеќе од 62.000 случаи на зараза од коронавирус, а починаа најмалку 2.500 луѓе. Во последните 24 часа во таа земја од ковид -19 починаа 94 лица.