Како и што се најавуваше во претходниот период, Немања Видиќ со отворено писмо до јавноста во Србија потврди дека ќе се кандидира за претседател на Фудбалскиот сојуз на Србија.

Медиумите во Србија го пренесуваат соопштението на Видиќ до медиумите во кое ја потврдува својата одлука и ги кратко ги објаснува неговите амбиции.

„Почитувани, решив да се вклучам во трката за претседателските избори со оглед на тоа дека го исполнив условот да бидам член на Собранието и да имам поддршка од пет делегати кои се надевам дека нема да попуштат под притисокот. Верувам во своите цели, а тие се јасни. Сакам да обединам, а не да создавам проблеми. Верувам и знам дека фудбалска Србија има слични луѓе и може заедно да понудиме решенија“, стои во дел од соопштението на поранешниот фудбалер.