Бугарите во континуитет се обидуваат да ја фалсификуваат историјата и учевството на бугарската држава во депортацијата на Евреите од Македонија, Тракија и од околината на Пирот во 1943 година, а тоа е прецизно обработено во најновата книга на Леа Коен – „Спасувањето, Прогонот и Холокаустот во Царска Бугарија (1940-1944)“, која од неодамна е преведена и на македонски јазик.

За ликот и делото на Леа Коен, Еврејка од Бугарија, во утринската програма на Слободен печат говореа проф д-р Самуел Садикарио и проф д-р Петар Дејанов.

– Таа пропаганда дека Бугарите не биле учесници во фашизмот во нацизмот и во трагедијата на Евреите, тоа е еден огромен цинизам и тоа не само цинизам од државата бугарска, туку и од целиот свет кој ги поддржува. Тоа е срамота за накој како мене, кој е останат од тие депортирани, убиени. Кој е тој што ги депортирал? Кинезите? Тајванците или кој? Се знае, бугарската армија – вели Садикарио.

Дејанов се осврна на континуитетот на бугарската империјална политика и континуитетот во задскривањето и фалсификувањето на бугарската историја поврзана со окупацијата на Македонија и холокаустот на Евреите.

– Бугарите не сакаат да зборуваат за тие 11.343 , уништени и убени Евреи, кои се од Беломорска Македонија, од Вардарска Макединија и од Пирот – вели Дејанов.

И двајцата се осврнаа на релативно слабиот отпор на македонскиот државен врв во обидот да се издејствува поостра критика кон бугарскиот историски реваншизам, а потсетија дека во 2013 година Меморијалниот еврејски когрес од Вашингтон реагираше на „дисторзијата на историските факти поврзани со холокаустот од страна на Бугарија“.
Целото интервју погледнете го на следниот линк.