Њујорк никс со тројката во последната секунда на Ар Џеј Берет го совлада Бостон селтикс со 108:105 во едно од најстарите дерби натпревари во НБА лигата.

Бостон во текот на целиот натпревар имаше предост, во третата четвртина изнесуваше и 20 поени, но благодарение на Еван Фурние кој постигна дури 41 поен, Њујорк успеа во финишот да се врати во игра и со тројката на Берет со звукот на сирената да слави.

Покрај 41 поен на Фурние, Берет натпреварот го заврши со 13 поени, а Џулиус Рендл постигна 22 за Њујорк, додека кај Бостон најдобар беше Џејсон Тејтум со 36 постигнати поени.

Кошаркарите на Њу Орлеанс пеликанс направија изненадување и со 101:96 го совлада Голден Стејт вориорс кој настапи без повредените Стеф Кари и Дрејмонд Грин.
Најзаслужен за прекинот на серијата од три порази на Њу Орлеанс беше Брендон Инграм кој постигна 32 поени и имаше 11 скокови, додека кај Голден Стејт се истакна Ендрју Вигинс со 21 поен.

Киксот на Голден Стејт (29-9) го искористи Феникс санс кој со победата над ЛА Клиперс од 106:89 стана екипа со најдобар скор во НБА лигата. „Сонцата“ сега имаат 30 победи и само осум порази.
Крис Пол оствари трипл-дабл од 14 поени, 13 скокови и 10 асистенции, а кај победичкиот тим се истакнаа уште и Камерон Џонсон со 24 поени и Џејлен Смит со 19 постигнати поени.
Во редовите на ЛА Клиперс, кој се уште игра без Пол Џорџ и Каваи Ленард, најзабележителен беше Маркус Морис со 26 поени и осум скокови.

Резултати:
Њујорк – Бостон 108:105
Мемфис – Детроит 118:88
Њу Орлеанс – Голден Стејр 101:96
Феникс – ЛА Клиперс 106:89