ВИДЕО | Трипл-дабл за Јокиќ, но пораз за Денвер
Кошаркарите на Денвер изминатата вечер беа поразени од Сан Антонио со 128:120, не им помогна ниту фантастичниот настап на Никола Јокиќ кој стигна до уште еден трипл-дабл.
Ова беше прв пораз на Денвер кога Јокиќ стигнал до трипл-дабл сезонава, тимот беше во серија од 25 победи кога Србинот имаше двоцифрени бројки во три категории. Натпреварот Јокиќ го заврши со 37 поени, 11 скокови и 11 асистенции за 38 минути поминати на паркетот.
Солиден настап забележа и Богдан Богдановиќ кој со својата Атланта славеше победа над Вашингтон. Богдановиќ натпреварот го заврши со 15 поени, но можеби ја постигна и клучната тројка во третата четвртина кога се одлучуваше натпреварот.
За издвојување беше и настапот на Џоел Ембид кој на 1.5 секунда до крајот и донесе победа на Филаделфија против Портланд 120:119. Одличен беше Ембид во текот на целиот нматпревар и средбата ја заврши со 39 поени, седум скока и четири асистенции. На спротивната страна Анферни Симонс додаде 34, додека Лилард запиша 22 поени.
НБА РЕЗУЛТАТИ: Филаделфија – Портланд 120-119, Вашингтон – Атланта 107-114, Мајами – Кливленд 119-115, Минесота – Бруклин 123-124, Сан Антонио – Денвер 128-120, ЛА Лејкерс – Торонто 122-112.