Шестата, а воедно и последна, сезона на телевизиската серија „Peaky Blinders“ ќе започне да се емитува на 27 февруари на BBC One, пишува „Mirror“. Оваа сезона ќе има шест епизоди, а обожавателите ширум светот со нетрпение го очекуваат продолжението на приказната за Томи Шелби и неговата банда.

Трејлерот за шестата сезона беше објавен пред еден месец и досега е прегледан десет милиони пати.

 

View this post on Instagram

 

A post shared by Peaky Blinders (@peakyblindersofficial)

Иако е најавено дека последната сезона ќе се емитува на BBC One, сѐ уште не се знае дали новата сезона ќе биде достапна и на платформата Нетфликс каде ги има и првите пет сезони на „Peaky Blinders“.

Серијата започна со емитување во 2013 година на каналот BBC Two, а по четири сезони беше префрлена на BBC One. Дејствието е сместено во времето по Првата светска војна и ја следи озлогласената банда во Бирмингем, Англија. По шестата сезона е планиран и филм, а се претпоставува дека снимањето ќе започне во 2023 година. Серијата ќе ги покрие настаните до Втората светска војна, така што за филмот останува можноста да се фокусира на војната.