ВИДЕО | Скандал на Евровизија: Андреа го фрли македонското знаме на земја, МРТ жестоко ја осуди

Андреа Коевска
Андреа Коевска во моментот кога го фрли знамето на земја / Фото: Скриншот, Јутјуб

Како што претходно објавивме, денес се случи свеченото отворање на годинашното евровизиско издание во Торино, Италија.

Нашата претставничка Андреа Коевска прошета по тиркизниот тепих, облечена во веќе препознатливиот стил, а в раце го држеше македонското знаме. Сепак, тоа што го привлече вниманието на присутните беше моментот кога таа за време на фотографирањето го фрли државното знаме на земја.

Во меѓувреме, се огласија и од Македонската радио телевизија, кои го осудија овој гест и ја разгледуваат можноста за нејзино повлекување од музичкиот настан.

„Македонската радио телевизија најостро го осудува потегот на нашата претставничка на „Песна за Евровизија 2022“, Андреа Коевска којашто за време на фотографирањето во Торино го фрли на земја државното знаме.

Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон.

МРТ очекува од Андреа да им се извини на граѓаните за ваквото однесување. Јавниот сервис ја разгледува можноста за нејзино повлекување од Евровизија, иако ќе се води сметка да не се предизвика поголема штета по МРТ.

Против одговорните во македонската делегација ќе бидат преземени сите законски можности за најстрого санкционирање за овој скандал“, велат од МРТ.

Според Член 8 – Грбот и знамето на Република Македонија, како и грбовите и знамињата на други држави и меѓународни организации кои се употребуваат во Република Македонија согласно со одредбите на овој закон, не смеат намерно да се кинат, палат, газат или на друг начин да се скрнават или изложуваат на презир или исмејување.

Интервју со Андреа, Ана и Рената: Постои синергија меѓу нас, уживаме додека се подготвуваме за Евровизија

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот