ВИДЕО: Рома ја освои Лигата на конференции, Мурињо испиша историја во Тирана
Фудбалерите на Рома се првите освојувачи на Лигата на конференции, вечерва во Тирана (Албанија) славеа против Феенорд со 1:0.
Тоа е првиот европски трофеј за Рома уште од 1961 година кога го освои Купот на саемски градови. Во меѓувреме беше финалист во 1984 година кога загуби во Купот на шампионите, и во 1991 година во Купот на УЕФА.
Римската „волчица“ триумфираше против Холанѓаните со голот на Никола Заниоло во 32 минута, и на тој начин тренерот на италијанскиот клуб Жозе Мурињо стана првиот кој успеал да ги обедини сите трофеи во УЕФА меѓународните натпреварувања.
Португалецот успеа да ги освои Лигата на шампионите, Купот на УЕФА/Лига Европа и Лигата на конференции.
Jose Mourinho becomes the first manager to win all three major European trophies 🏆🏆🏆 pic.twitter.com/P6LMZcKEDw
— ESPN FC (@ESPNFC) May 25, 2022
🐺 A night Roma fans will never forget 🤩#UECLfinal pic.twitter.com/Rxibbmt5zk
— UEFA Europa Conference League (@europacnfleague) May 25, 2022
Иако по само 15 минути го загубија повредениот Хенрик Мхтаријан, играчите на Мурињо успеаја да стигнат до минимална предност во првите 45 минути по одличната комбинација на Манчини и Заниоло.
Рома мудро ја препушти иницијативата на Феенорд, како што завршуваше првото полувреме, тензијата се почувствува на теренот, а во една од ситуациите жолт картон доби Лоренцо Пелегрини.
Првата сериозна прилика Феенорд ја имаше дури во 41 минута, кога шутираше Кокчу, но не успеа да го совлада Руи Патрисио.
Congratulations Roma, 2021/22 Europa Conference League champions! 👏🏆#UECLfinal pic.twitter.com/LECvXSr31e
— UEFA Europa Conference League (@europacnfleague) May 25, 2022
Веќе во 47 минута Феенорд имаше две чисти можности за израмнување. Прво имаа статива, а потоа по вториот обид реагираше Патрисио и ја испрати топката во корнер.
Во 50 минута беше видена најубавата шанса на натпреварот кога по одличен удар Патрисио ја одби топката до стативата, а потоа и во корнер. Тоа беше единствениот начин да се запре ваков шут во намерата да не заврши во мрежата.
Феенорд продолжи да напаѓа и сериозно да го загрозува ривалот, но Рома успеа да се одбрани.
Рома умешно го искористи падот на концентрацијата на Феенорд, римскиот клуб само повремено се закануваше, на почетокот од 86 минута се закани Пелегрини, но голманот на Феенорд реагираше правовремено. Во втората минута од продолжението холандскиот претставник за малку ќе израмнеше по невнимателната реакција на Крис Смолинг.
На крајот Рома триумфираше со 1:0, а покрај трофејот си обезбеди и настап во групите на Лига Европа за следната сезона 2022/2023.
