Предлог законот за изменување и дополнување на Законот за животна средина се однесува на измени во неколку точки меѓутоа она што е најважно е дефинирањето на контаминирано подрачје. Новиот Закон опфаќа начини за постапување, воведува контролни механизми и превентивни мерки во делот на постапување и управување со таканаречено претходно дефинирано контаминирано подрачје.

Она што е важно е дека актуелните измени се согласно со препораките на ЕУ и произлегуваат од директивата за индустриски емисии односно контролата на индустриските емисии и наметнува поригорозни мерки во постапувањето со таканаречените еколошки жешки точки што се резултат на историското загадување што ние како демократска држава го наследивме од претходниот систем и практично на некој начин мораме да се справиме со цел да имаме одржлив развој на земјата и поздрава и побезбедна иднина на младите, изјави за УБ Кирил Ристовски од невладината Флоризон.