ВИДЕО | Ременски: Имам капацитет, знаење и храброст да бидам лидер на СДСМ

Фросина Ременски / Фото: Скриншот, Јутјуб

Сметам дека најмалку беше очекувана мојата кандидатура. Не сум зборувала отворено за некакви лидерски позиции во СДСМ, но со оглед на предизвикот пред кој се наоѓа партијата сметам дека имам капацитет, знаење, храброст и волја како и тим кој ќе може да го озбезбеди она што е најдобро за граѓаните и државата. Воедно и да го врати СДСМ на победничките шини, изјави поранешната функционерка и кандидат за претседател на СДСМ, Фросина Ременски, во своето вечерашно гостување на телевизија 21.

– Тоа значи дека ќе го подготвам СДСМ за победа, а не да искреира состојба на летаргија и на некаков транзит на власта, во смисла на предавање на власта на тацна, вели Ременски.

Како што вели таа, „изгубените гласови на локалните избори не се од членството на СДСМ, туку од оние кои ни ја дадоа довербата 2016 година кои не припаѓаа на партијата, но веруваа во промени кои сите ги очекуваа и очекуваат да се случат и ден-денес“.

– Имаме време до следните парламентарни избори кои не верувам дека ќе бидат превремени, да ги поправиме дел од очекувањата и да ги корегираме грешките доколку се направени, вели Ременски.

 

Видео на денот