ВИДЕО | Португалија ја понижи Босна во Зеница, Ван Дајк донесе важен триумф за Холандија
Репрезентацијата на Португалија во рамки од квалификациите за Европското првенство без проблеми вечерва славеше убедливо против Босна и Херцеговина во Зеница со 5:0.
Португалците убедливиот триумф го најавија уште во петтата минута кога Роналдо од пенал ја ја затресе мрежата. Се играше 22. минута кога 38-годишниот Португалец по вторпат се запиша во листата на стрелци.
Само пет минути подоцна Бруно Фернандеш зголеми и на 3:0. До крајот на првото полувреме погодија уште Кансело и Жоао Феликс за 5:0 по првиот дел. Во второто полувреме, Португалија подзастана и не напаѓаше премногу, па резултатот не се промени.
Португалија уште пред ова коло го обезбеди пласманот во следната фаза, додека Босна е претпоследна со девет освоени бодоци.
Луксембург кој ги игра своите најдобри евроквалификации вечерва не успеа да ја изненади Словачка на гости и остана со 11 бодови на третата позиција. Словачка победи со 1:0, доволно да има пет бода предност на втората позиција. Исланд е четврти, додека последен е аутсајдерот Лихтенштајн.
Важна победа со гол на Ван Дајк од пенал во самата завршница вечерва забележа Холандија против Грција на гостински терен. Холандија и Грција сега имаат по 12 бода на втората и третата позиција во групата со тоа што Холанѓаните имаат натпревар помалку.
Во вториот натпревар од оваа група вечерва без поголемо резултатско значење Ирска со 4:0 го совлада Гибралтар. Франција која е лидер со шест победи во исто толку натпревари во ова коло беше слободна.
Натпреварот помеѓу Белгија и Шведска беше прекинат при резултат 1:1 по првото полувреме откако фудбалерите на гостинската репрезентација одбија да излезат на терен по терористичкиот напад на улиците во Брисел во кој беа убиени двајца Швеѓани.
РЕЗУЛТАТИ:
Босна и Херцеговина – Португалија 0:5
Гибралтар – Ирска 0:4
Грција – Холандија 0:1
Исланд – Лихтенштајн 4:0
Луксембург – Словачка 0:1