Кошаркарите на Сакраменто во шестиот натпревар го совладаа Голден Стејт со 118:99 и се изборија за „мајсторка“ во првата од НБА плеј-офот во Западната конференција.

Кингси беа предводени од Монк со 28 поени, седум скока и четири асистенции, а Фокс запиша 26 поени и 11 асистенции. Кај Вориорси доминираше Кари со 29 поени, пет асистенции и четири скока, следен од Томпсон со 22 поени, 13 асистенции и седум скока.

Седмиот решавачки меч меѓу овие две екипи ќе се игра в недела од 21.30 часот, а победникот во полуфиналето на Западот ќе игра против Лејкерси кои во шестиот меч славеа убедливо со 125:85 и со 4:2 во серијата го елиминираа Мемфис.

За „езерџиите“ прв стрелец беше Расел со 31 поен и четири асистенции, додека Џејмс забележа 22 поени, пет скока и шест асистенции. На спротивната страна за Гризлис се истакна Алдама со 16 поени и пет скока, а Бејн оствари 15 поени и пет скока.

НБА плеј-оф, резултати –

Голден Стејт вориорс – Сакраменто кингс 99:118 (3:3)
Лос Анџелес лејкерс – Мемфис гризлис 125:85 (4:2)