Фудбалерите на Реал Мадрид на домашен терен ја победија Валенсија со 4:1, во натпреварот од 20. коло во шпанското првенство.

Двојни стрелци беа Карим Бензема, во 43 минута од пенал и во 88 минута и Винисиус Јуниор, кој погоди во 52 и 61 минута.

Бензема постигна вкупно 301 гол за Реал и е четвртиот најдобар стрелец во историјата на клубот. Подобри се само Кристијано Роналдо со 450 гола, Раул со 323 и Алфредо ди Стефано со 308 гола.

Оваа сезона Французинот постигна 22 гола на 25 мечеви во сите натпреварувања и има 12 асистенции. Тој е првиот стрелец во „Ла Лига“ со 17 голови. „Кралскиот“ клуб има 15 победи и е прв на табелата со 49 бодови.

Валенсија го претрпе вториот последователен пораз, вкупно шести во првенството и се наоѓа на деветтото место на табелата со 28 бодови.

Top goalscorers in Real Madrid’s history:

🇵🇹 Cristiano Ronaldo – 450
🇪🇸 Raul – 323
🇦🇷 Alfredo Di Stefano – 308
🇫🇷 Karim Benzema – 301

Joins the 300 club. 🤝 pic.twitter.com/7ecCQMXtH9

— Statman Dave (@StatmanDave) January 8, 2022

ВИДЕО: Барди со асистенција во првата победа на Леванте во „Ла Лига“