Јована Кипријановска игра со срце на теренот, со огромна желба и волја, а тоа веќе го докажува на терените. Десниот бек блеска на натпреварите со нејзините игри и погодоци.

Македонската репрезентативка од оваа сезона ги брани боите на францускиот клуб Ле Самбр Авенуа во чии бои, а претходно беше дел од ЖРК Куманово каде што исто така на одличен настап со своите голови беше меѓу најефикасните.

Таа е меѓу повиканите во сениорската репрезентација предводена од селекторот Љубомир Савевски за претстојното Европско првенство кое ќе се одржи во Македонија, Словенија и Црна Гора од 4 до 20 ноември.

Нашата селекција е во групата „Ц“ која ќе се игра во СЦ „Борис Трајковски“ – Скопје, за ривали ги има репрезентациите на Франција, Холандија и Романија.

– За нас овој настап има преголемо значење бидејќи најпрво Македонија после многу години ќе биде на Европско првенство и тоа е многу важно за развивање на женскиот ракомет во нашата земја. Репрезентацијата е подмладена и за сите ракометарки оваа е многу значаен настан за напредување и стекнување на искуство кое ќе им користи на сите за понатамошните достигнувања – ни изјави Кипријановска.

Распоред на натпревари на ЕП 2022
Група „Ц“, СЦ „Борис Трајковски“ – Скопје

5 ноември
18.00 часот Франција – Македонија
20.30 часот Холандија – Романија

7 ноември
18.00 часот Македонија – Холандија
20.30 часот Романија – Франција

9 ноември
18.00 часот Македонија – Романија
20.30 часот Франција – Холандија

Разговор со Љубомир Савевски пред ЕП: Штериова не сакаше да ризикува, најважно е да покажеме карактер