ВИДЕО: Јокиќ најефикасен во победата на Денвер против Сан Антонио
Кошаркарите на Денвер, предводени од одличниот Никола Јокиќ, против Сан Антонио со резултат 117:106 ја забележаа 47 победа оваа сезона во НБА лигата.
Нагетси стигнаа до првата позиција откако имаат триумф, но и натпревар повеќе од Оклахома.
Српскиот центар на Денвер Јокиќ беше најефикасен во својата екипа со 31 поен, со погодени 13 од 19 шутеви од игра, и сите четири од линијата за слободни фрлања. Запиша и седум скокови, пет асистенции и две блокади.
Го следеше Џамал Мареј кој оствари „дабл-дабл“ учинок од 15 поени и 10 скокови, а воедно додаде и осум асистенции и четири украдени топки во својата статистика.
На спротивната страна Џереми Сокан беше прв стрелец со 19 поени, додека Виктор Вембанјама имаше 17 поени (девет скокови). Спарси кои имаат биланс 14-53 се најлошиот тим во Западната конференција.
НБА лига, резултати –
Шарлот – Феникс 96:107
Детроит – Мајами 95:108
Торонто – Орландо 103:113
Њу Орлеанс – ЛА Клиперс 112:104
Сан Антонио – Денвер 106:117
Јута – Атланта 124:122