ВИДЕО I Како на филм: Сараевската полиција го бара Дедо Мраз под дрво и под камен, рани три лица
Припадниците на полицијата од Сараевскиот кантон сè уште трагаат по лицето кое синоќа рани три лица со огнено оружје во Башчаршија.
Во вторникот, на 15 декември, во 18:10 часот, дежурната служба на Првата полициска управа била известена дека во ул. Ферхадија, областа на општина Стари Град, Сараево некој пукал од оружје.
Pucnjava u Ferhadiji, ranjene dvije osobe pic.twitter.com/F37bnTjSgX
— Dnevni avaz (@DnevniAvaz) December 15, 2020
Напаѓачот беше облечен во костум на Дедо Мраз, тврдат соговорниците на босанскиот портал Кликс.ба.
По пристигнувањето на местото на настанот, полициските службеници ги потврдиле наводите од пријавата и утврдиле дека непознато лице употребило огнено оружје – пиштол и дека се повредени три лица – А.И. роден 1983 година, М.Б. роден 1991 година и М.С. роден 1993 година, сите од Сараево.
UZNEMIRUJUĆI VIDEO / Pucnjava u centru Sarajeva pic.twitter.com/S7IygTkhbw
— Dnevni avaz (@DnevniAvaz) December 15, 2020
За време на оперативната работа на терен, полициските службеници утврдиле дека огненото оружје го користел Ј.Х. од Сараево, а по него е поведена потрага под сомнение за сторено кривично дело предизвикување општа опасност и кривично дело лесна телесна повреда.
Полициските службеници продолжуваат да работат на документирање на споменатите кривични дела, и пронаоѓање на сторителот, соопшти Министерството за внатрешни работи на КС.