ВИДЕО+ ФОТО: „Неприфатливо е да не затворите на овој начин“- Угостителите во Црна Горан излегоа на протест
По зголемувањето на бројот на заразени лица, ИЈЗ објави дека училиштата и рестораните во Подгорица, Будва, Улцињ и Цетиње ќе бидат затворени од 6 ноември на полноќ и дека мерката ќе трае најмалку 14 дена, пренесува „Вјести.ме“.
Стотици угостители и вработени во угостителската индустрија протестираа во Подгорица против најавата на Институтот за јавно здравје (ИЈЗ) за затворање на угостителските објекти во Подгорица, Будва, Улцињ и Цетиње кој ќе започне од петок (вечерва) на полноќ.
Собирот започна со аплауз за здравствените работници, по што претставникот на Здружението на угостители на Црна Гора, Никола Буздован, рече дека не се работи за угостители кои работат за здравствените работници, туку дека тие се нивни сојузници.
-Ние се придржуваме, барем сите членови на нашето здружение, кон сите мерки-рече Буздован.
Бидејќи имаше повеќе учесници на собирот отколку што беше дозволено со важечките мерки, тој посочи дека сите на Плоштадот на независноста во Подгорица да држат дистанца и да носат маски.
-Угостителството е составен дел од секој државен систем и за нас е неприфатливо на овој начин да бидеме затворени. Ниту еден деловен субјект не може да ја дочека Новата година ако само не затворите. Ја затворивме Будва, сите отидоа на Тиват. Будва економски пропаѓа, Тиват е заразен- рече тој.
Тој додаде дека угостителите се подготвени да ги почитуваат сите „рационални и мерки кои имаат ефект“.
-Но, овој предлог не е рационален, ќе заразиме и други општини- рече Буздован.
Извор: Vjesti.me