Кошаркарите на Феникс санс со 121:111 го совладаа Бруклин нетс и ја запишаа 11. Победа по ред во регуларниот дел од НБА лигата. „Сонцата“ се најдобра екипа во лигата со скор од 41 победа и само девет порази и ова е најдобар резултат во историјата на клубот по 50 одиграни натпревари, додека по втор пат имаат двоцифрен број на победи по ред. Претходно од 30 октомври до 2 декември, „сонцата“ остварија дури 18 победи по ред.

Во победата над Бруклин, најдобри кај Феникс беа Девин Букер со 35 поени, Мајкл Бриџис со 27 поени и Крис Пол со 20 поени и 14 асистенции.

Во победничка серија се наоѓа и Голден Стејт вориорс кој против Сан Антнонио го забележа седмиот триумф во низа. „Воините“ славеа со 124:120 благодарение на тројката на Џордан Пул на 17.9 секунди до крајот на натпреварот иако во третата четвртина имаа негатива од 17 поени (104:87). Токму Пул со 31 постигнат поен беше најпрецизен играч на натпреварот на кој не настапија Кари, Томпсон, Грин, Вигинс и Бјелица.

Чикаго булс предводен од Демар Дерозан и неговите 29 поени и 10 скокови го совлада Орландо меџик со 126:115 и ја оствари четвртата победа во последните пет натпревари.

Резултати:
Детроит – Њу Орлеанс 101:111
Милвоки – Вашингтон 112:98
Торонто – Мајами 110:106
Чикаго – Орландо 126:115
Минесота – Денвер 130:115
Сан Антонио – Голден Стејт 120:124
Феникс – Бруклин 121:111