ВИДЕО: ЕХФ му го честиташе роденденот на Кирил Лазаров
Денеска репрезентативецот и воедно селектор на македонската сениорска репрезентација го слави 41 роденден…
Кирил Лазаров има богата клупска кариера со многу трофеи и со чести настапи на големите натпреварувања со националната селекција, а тој континуитет ќе продолжи и на почетокот од следната година на Европското првенство во Унгарија и Словачка.
Нашиот десен бек неодамна после завршувањето на евроквалификациите изјави дека уште една година ќе биде дел од францускиот клуб Нант.
Европската ракометна федерација (ЕХФ) на свој начин му го честиташе роденденот:
– Среќен 41 роденден Кирил Лазаров. И погодете што? Македонскиот селектор-играч ќе биде присутен следниот јануари на Европското првенство 2022 – напиша ЕХФ на Фејсбук.
На видео записот е победничкиот гол на Лазаров во последните секунди против Украина на ланското ЕП во Виена, Австрија.