ВИДЕО: Дончиќ со трипл-дабл ги реши Лејкерси
Далас маверикс со 128:110 славеше над ЛА Лејкер, благодарение на одличната игра на Лука Дончиќ кој оствари трипл-дабл. Бекот на Далас натпреварот го заврши со 34 поени, 12 скокови и 12 асистенции.
Дилемите околу победникот беа решени по првата четвртина која Далас ја доби со 43:25 по што до крајот на натпреварот рутински ја одржуваше предноста.
Со поразот, Лејкерси паднаа на 11 место во Западната конференција со скор 31-44 колку што има Сан Антонио, додека Далас е четврти со 47-29.
Чикаго со 107:94 го победи Вашингтон и ја продолжи трката за што подобра позиција во Источната конференција. Одлична партија прикажа Демар Дерозан кој даде 32 поени, од кои 14 постигна во последната четвртина.
ЛА Клиперс успеа да се врати од негатива од 24 поени која ја имаше во третата четвртина и да слави над Јута џез со 121:115. Предводник на Клиперси беше Пол Џорџ кој се врати по повредата и постигна 34 поени. На спротивната страна, најдобар беше Донован Мичел со 33 постигнати поени.
Во дербито на Источната конференција, Милвоки бакс со 118:116 ја совлада Филаделфија сиксерс и тоа благодарение на Јанис Адетокумпо.
Адетокумпо постигна 40 поени и го изблокира шутот на Џоел Ембид во последните моменти од натпревари.
Резултати:
Филаделфија – Милвоки 116:118
Вашингтон – Чикаго 94:107
Бруклин – Детроит 130:123
Далас – ЛА Лејкерс 128:110
ЛА Клиперс – Јута 121:115