ВИДЕО: Денвер води со 2:0 против Лејкерс, чудесниот Јокиќ ги руши сите можни рекорди
Кошаркарите на Денвер го совладаа Лос Анџелес лејкерс (108:103) и сега имаат водство од 2:0 во финалето на Западната конференција.
Најефикасен во редовите на Нагетси беше Канаѓанецот Џамал Мареј кој реализираше 37 поени, 10 скока и пет асистенции.
Одлична партија имаше и неговиот соиграч Никола Јокиќ кој повторно запиша „хет-трик“ од 23 поени, 17 скока и 12 асистенции. Српскиот центар на Денвер, Јокиќ во овој плеј-оф дури седумпати до сега доаѓа до „трипл-дабл“, а остатокот НБА лигата тоа го направи „само“ трипати.
Со вкупно 13 „трипл-дабл“ ефекти Јокиќ го престигна Расел Вестбрук, сега е трет зад Меџик Џонсон и Леброн Џејмс. Воедно Јокиќ е единствениот во историјата на кошарката кој во два меча по ред во плеј-офот имаше повеќе од 55 поени, 35 скока и 20 асистенции.
Се наоѓа и во серија од шест натпревари во низа од 20+ поени и 10+ асистенции, биланс до кој тешко доаѓаат и бековите. Севкупно билансот на Јокиќ во последните 10 плеј-оф натпревари е навистина неверојатен.
Nikola Jokic’s last 10 playoff games:
23 PTS – 17 REB – 12 AST
34 PTS – 21 REB – 14 AST
32 PTS – 10 REB – 12 AST
29 PTS – 13 REB – 12 AST
53 PTS – 4 REB – 11 AST
30 PTS – 17 REB – 17 AST
39 PTS – 16 REB – 5 AST
24 PTS – 19 REB – 5 AST
28 PTS – 17 REB – 12 AST
43 PTS – 11 REB -… pic.twitter.com/4uKoqdjmz3— NBACentral (@TheNBACentral) May 19, 2023
На спротивната страна за „езерџиите“ Леброн Џејмс дојде до учинок од 22 поени, девет скока и 10 систенции, а и Остин Ривс исто така запиша 22 поени со пет асистенции. Јапонецот Руи Хачимура оствари 21 кош, следен од Ентони Дејвис (18 поени, 14 скока).