ВИДЕО | Далас и Голден Стејт победуваат и без Дончиќ и Кари
Изминатата вечер во НБА лигата беа одиграни осум натпревари во кои не видовме преголеми изненадувања.
Без првите ѕвезди во тимот победи забележаа Голден Стејт и Далас. Актуелниот шампион беше убедлив против Оклахома со 141:114. Клеј Томпсон одигра одличен натпревар и постигна 42 поени со што го надополни отсуството на Стеф Кари. За издвојување е и настапот на Пул кој стигна до дабл-дабл од 21 поен и 12 асистенции. Најдобар кај гостите беше Гилџус Александар со 20 постигнати поени.
Без Лука Дончиќ Далас ја победи Јута со 111:124. Отсуството на Словенецот го надополнија Џош Грин и Џејден Харди кои постигнаа по 29 поени.
За издвојување од вечерта пред натпреварот помеѓу Клиперс и Бруклин кој заврши со победа на домаќините од 124:116 Бруклин го потврди трејдот на Кајри Ирвинг и Маркиф Морис во Далас за Спенсер Динвиди и Доријан Фини-Смит. Бруклин добива и неколку пикови од првиот и вториот круг на претстојните драфтови.
НБА РЕЗУЛТАТИ: Детроит – Бостон 99:111, Вашингтон – Кливленд 91:114. Бруклин – ЛА Клиперс 116:124, Чикаго – Сан Антонио 128:104, Хјустон – Сакраменто 120:140, Јута – Далас 111:124, Голден Стејт – Оклахома 141:114, Портланд – Милвоки 108:127
