ВИДЕО: Челси и Ливерпул одиграа страшно полувреме, веќе го имаме голот на годината
Челси и Ливерпул денеска можеби „одиграа“ за водечкиот Манчестер сити, но и дефинитивно одиграа одличен натпревар, особено во првото полувреме на стадионот „Стемфорд Бриџ“.
На теренот во Лондон за домашната екипа не настапи една од најголемите ѕвезди Ромелу Лукаку кој беше „казнет“ од менаџерот Томас Тухел поради интервјуто кое го имаше за италијанскиот „Скај“.
„Црвените“ водеа уште од деветтата минута со голот на Мане, а за зголемување на предноста се погрижи Салах во 26 минута после асистенцијата на Александер-Арнолд.
Мане сега има повеќе постигнати голови на „Стемфорд Бриџ“ од било кој друг играч во Премиер лигата од стартот на минатата сезона. За Салах тоа беше четврти погодок против лондонските „сини“.
Домаќините не се предаваа и пред крајот на првиот дел за период од четири минути стигнаа до израмнување. Најпрвин намали Ковачиќ со еден прекрасен погодок, кој сигурно ќе влезе во трката за еден од најубавите на годината, а во судиското надополнување за 2:2 стрелаше Пулишиќ, а асистент беше Канте.
На табелата води Манчестер сити со 53 бодови, 10 повеќе од второпласираниот Челси, а на третата позиција е Ливерпул (42) кој има еден меч помалку.
"Kovacic":
Per il gol che ha segnato nella sfida tra Chelsea e Liverpool valevole per la 21esima giornata di #PremierLeague, conclusasi sul punteggio di 2-2pic.twitter.com/H10WrFdXP3— Perché è in tendenza? (@perchetendenza) January 2, 2022
ВИДЕО: Конечно насмевки во Лидс, играчите на Биелса сигурни против Барнли