Како и за секој спорт, така и за атлетиката – што порано се почне тоа подобро. 6-7 години е некоја добра возраст за отпочнување.

-Уште од малечка се посветив на атлетиката, сакав да тренирам, но во тој период во Куманово немаше атлетски клуб, така што морав да почекам. Секој доколку сака да постигне успех, може да го постигне доколку вложи труд. Имам учествувано на многу првенства, но поставувањето рекорд се моменти кои не можеш да ги заборавиш и чувството е неверојатно, изјави во Утрински брифинг атлетичарката Матеја Ефремовска.

-Јас сум се уште во кумановскиот атлетски клуб. Оваа сезона распоредот на натпреварите беше многу стеснет и тоа влијаеше на квалитетот на натпреварите. Во Скопје не може да се тренира на атлетскиот стадион што влијае на перформансот. Нашиот клуб работи на квалитет отколку на квантитет, вели Ефремовска.