27.8 C
Скопје

ВИДЕО | Андоновиќ: За Израелците правен проблем, за Палестинците безбедносна и верска закана

Најмалку 20 лица, меѓу кои девет деца, се убиени во најновиот израелски напад врз Појасот Газа. Според светските агенции, во нападите биле повредени повеќе од 60 лица.

Израелската армија бомбардирала тунел на Хамас на северот од Појасот Газа, во кој, како што се верува, имало голем број членови на таа организација,

Израелската армија претходно потврди дека извршила ракетни напади врз Појасот Газа, наведувајќи дека загинале тројца членови на милитантната организација Хамас, која претходно го ракетираше Ерусалим, по истекот на ултиматумот упатен до израелската влада за повлекување на безбедносните сили од кругот на џамијата Ал Акса.

Во Ерусалим се огласиле сирени за предупредување од ракетен напад, а набргу потоа се слушнале и детонации, а бил евакуиран и израелскиот Парламент. Израел пак ги зајакна безбедносните сили долж границата со палестнската автономна територија Газа

Израелската влада соопшти дека ќе продолжи со ракетирањето на позициите на Хамас се додека не се осигура целосен мир. Нападите на изралексата армија беа осудени од целиот муслимански свет пред се од турскиот претседател Реџеп Таип Ердоган кој изјави дека Турција ќе го мобилизира целиот свет, особено исламскиот, за да го запре израелскиот терор врз Палестинците и окупацијата. Повик за прекин на ракетните напади повикаа и САД и Русија, а Советот за безбедност на ОН изрази загриженост поради ексалација на судирите.

Инаку главната причина за разгорувањето на насилствата и враќање на повеќе децениските судири меѓу Израел и Палестинците е судската одлука на ерусалимскиот суд според кој треба да се иселат неколку десетици палестински семејства кои во моментов живеат во стариот дел на светиот град Ерусалим.

Според израелскиот суд , овие живеалишта и земјиште каде се наоѓаат палестинските семејства им припаѓале на евреите пред 1948-та година, па со новата одлука имотот треба да им се врати на, тогаш протераните еврејски семејства. Судската одлука, Палестинците ја видоа како обид Израел да ги исели арапите и муслиманите од светиот град Ерусалим и таму да насели еврејски доселеници. Ова беше и главната приина за уличните протести и судири на Палестинците со израелската полиција минатата недела, а милитантната Хамас го искористи за возобновување на нападите врз израелски цели. Сето ова се случува во пресрет на најголемиот муслимански празник Рамазан Бајрам, што муслиманите го доживеаа како жестока провокација на еврејската држава.
Ерусалим од неодамна е прогласен за главен град на Израел, што дополнително ги вознемири муслиманите и арапите за кои Ерусалим е свет град и кои, по одлуката Израел да го присвои како главен град, стравуваат дека муслиманите ќе бидат протерани од светата земја.

Поврзани вести

Невреме во Русија: За шест часа паднал дожд како за месец дена- сѐ е под вода

Слободен печат

Намалено ДДВ за 30 отсто на пет грчки острови погодени од бегалските и мигрантските бранови

Слободен печат

„Астра-Зенека“: ЕУ го загуби правниот спор

Слободен печат

Полска ја обвини Русија за голем кибер напад врз Владата

Слободен печат

UN Women: Пандемијата посилно ги погоди работните места на жените

Слободен печат

Денеска се регистрирани 19 нови случаи, 2 лица починаа

Слободен печат

Остави Коментар