Српскиот дневен весник „Вечерње новости“ пишува дека новиот случај со трговија со органи, кој го откри косовската полиција, е само уште еден доказ дека Албанците на Косово продолжуваат со овој бизнис.

Косовската полиција во петокот уапсила 4 лица осомничени за незаконска трансплантација и трговија со органи и соучество во извршувањет на кривичното дело.

Како што велат од косовската полиција, во контрола на една приватна клиника во регионот на Приштина се пронајдени докази за вакви дејствија.

„Вечерње новости“ пишува дека во последните петнаесетина години, во Косово голем бизнис постана отворање на приватни клиники во кои, според упатените во ситуацијата, воглавно работат нестручни лица. Благодарејќи на многубројните меѓународни донации, пред се од Европа, поседуваат најсовремена опрема и токму во ваквите клиники се извршуваат црните интервенции.

Пред нешто повеќе од месец дена, косовската полиција уапси четири лица за идентично кривично дело, незаконска трансплантација и трговија со органи после претрес во приватна клиника.