Еврокомесарот за проширување Оливер Вархеји го поздрави потегот на српската Влада да ја повлече одлуката за протерување на црногорскиот амбасадор од земјата.

– Ја повикувам Црна Гора да го направи истото, напиша синоќа Вархеј на Твитер.

Тој нагласи дека добрососедските односи и регионалната соработка се основа за процесите на проширување, стабилизација и асоцијација.

#Montenegro #Serbia: I welcome Serbian Government decision to withdraw expelling of Montenegrin ambassador. I call on Montenegro to do the same. Respect for good neighbourly relations&regional cooperation are cornerstones of #EUenlargement & Association and Stabilisation Process.

— Oliver Varhelyi (@OliverVarhelyi) November 29, 2020

Србија го прекина гостопримството на амбасадорот на Црна Гора, откако Црна Гора претходно го прогласи српскиот амбасадор во Подгорица за „персона нон грата”.

Српската премиерка Ана Брнабиќ истакна дека тоа е сторено согласно членот 9 од Виенската конвенција за дипломатски односи.

Српскиот претседател Александар Вучиќ побара од владините претставници да ја преиспитаат таквата одлука во желба Србија уште еднаш да подаде рака на соработка и пријателство, бидејќи „на регионот му е доволно од конфликти”.