Момче на возраст од 25 години кое било спроведено во полициска станица во Загреб поради криминалистичка истрага, се самоубило со огнено оружје.

Според првичните информации, за осомничениот е утврдено дека законски поседува повеќе парчиња огнено оружје кое при претресот во куќата доброволно го предал, соопшти полицијата.

Од таму додаваат дека полицајците му го одзеле наведното оружје, па во службените простории почнале формална постапка на одземање и попишување на огненото оружје, објави Индекс.хр.

Момчето, кое до тогаш целосно соработувало и со своето однесување не покажувало знаци дека би си наштетило на себе или на полициските службеници, во еден момент со брз потез зел еден пиштол и со него пукал во себе.

Веднаш по сознанието за инцидентот, главниот инспектор на полцијата упатил стручен тим полициски службеници од Директоратот на полицијата за да се утврдат сите околности на овој настан.