Специјалното јавно обвинителство треба да одговори зошто, кога веќе отвори една предистрага, не успеа да добие податоци од Фејсбук и од Јутјуб. Верувајте, нема шанси ВКонтакте да открие кој е Илија Громовник. Таа работа мора да се заврши тука, дома, кај нас, што и не е многу тешко.

Ова за „Слободен печат“ го изјави добро упатен извор во компјутерскиот криминал, откако викенд изданието на неделникот „Фокус“ излезе со смела теза:

„СЈО има обезбедено голем број докази за осомничени што поседувале нелегално прислушувани разговори, со кои наводно уценувале и рекетирале бизнисмени и политичари. Обезбедени се и докази и сведочења. Неофицијалните информации говорат дека причината зошто СЈО овој предмет го држи во фаза на предистрага е дека се штити осомничен, кој се поврзува со висок владин функционер“.

И „Слободен печат“ располага со слични информации. Изворот на дневниот весник вели дека за откривањето кој стои зад псевдонимите Никола Тесла и на Илија Громовник е најважно да се открие од каде потекнуваат „бомбите“, односно кој ги дава на неовластени лица. Примарниот извор е клучен, бидејќи тој ја диригира и манипулацијата со овој материјал.

Целосниот текст може да го прочитате во утрешното печатено издание на „Слободен печат“.