Уникатен десерт: Викторија Спенџарска Стин ни направи сиров Фереро Роше тарт
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.
Викторија Спенџарска Стин ни носи несекојдневен десерт: Чизкејк со лимета и зелена мача
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.
„Мора да го направите и овој сиров тарт зошто е највкусното нешто на свет! Ако немате таков калап може да го направите и како чизкејк“, вели Вики.
Потребни состојки:
За базата:
- 2 шолји лешници
- 2 лажици путер од лешници (доколку немате може да користите 1 1/2 шолја сирови и 1/2 шолја печени лешници)
- 25 свежи урми
- прстофат сол
За филот:
- 2 шолји киснати индиски
- 2/3 шолји кокосово млеко
- 2 лажици путер од лешници
- 4 лажици јаворов сируп
- 2 лажици какао
За декорација:
- 1/3 шолја темно чоколадо
- 1 лажица кокосово масло
- 2 лажици кокосово млеко
- 1/3 шолја ситно сецкани лешници
View this post on Instagram
Подготовка:
Најпрво ситно се мелат лешниците да се добие брашно, но внимавајте да не претерате со мелењето па да добиете путер. Се префлаат во сад па се блендираат урмите со лажица-две вода да се добие смеса како густ карамел. Се ставаат и урмите кај лешниците, се додава путерот од лешници и се меша состојките убаво да се соединат и да се добие густа смеса. Се става во силиконски калап за тарт и се израмнува со шпатула или со чаша со рамно дно. Се става во замрзнувач додека се подготвува филот. За филот се ставаат сите состојки освен какаото во блендер и се блендира неколку минути на најјако. Зависи од јачината на блендерот може ќе треба да додадете уште малку млеко за да добиете баш кремаста структура. Половина од смесата истурете ја во калапот за тарт и порамнете со шпатула, а во другата половина додајте го какаото и изблендирајте за да се измеша. Истурете ја и таа половина и вратете го тартот во замрзнувач. Растопете го чоколадото во сад на пареа заедно со кокосовото масло и млеко. Кога ја правев тортата јас заборавив да ставам млеко и после кога ја сечев, чоколадото ми се искрши и воопшто не изгледаше привлечно затоа не заборавајте на млекото. Цврсто и крцкаво чоколадо е супер за бомбици, но не и за торта која ќе треба да ја сечете. Истурете го чоколадото врз тартот и веднаш по него декорирајтете со сецкани лешници.
