Дури по испрашувањето на осомничениот за убиството на монахот Стефан Ажиќ, Драган Шево, ќе се знае што точно се случило кобната вечер во манастирот Глоговац. Она што во моментов претставува вистинска загатка за инспекторите е улогата на мистериозниот возач кој го донесе во Шипово и по убиството се врати во Бања Лука.

Здравствената состојба на Шево е стабилна и се очекува вршителот на должноста обвинител да го испита да одреди мерка притвор. Според босанските медиуми обвинетиот за свирепото убиство е под 24 часовен надзор и се наоѓа во Универзитетскиот клинички центар во Бања Лука.

Сè уште се очекува информација од полицијата и Окружното јавно обвинителство на Бања Лука каков ќе биде третиран статусот за лицето кое го возеше Шево до и од местото на злосторот. Според Српскаинфо постои можност дека може да му се даде статус на сведок соработник.

Него, полицијата го пронајде и го уапси веднаш по убиството, но за време на испрашувањето тој тврдел дека не знае што направил Шево во манастирот.

– Инспекторите навистина не веруваа во неговата приказна, бидејќи звучи скоро невозможно некој што извршил такво брутално убиство да биде однесен во Бања Лука и да не забележи ништо. Трпезаријата каде што се случи убиството беше полна со крв, па сигурно имало траги и на неа – рекол изворот на Српскаинфо.

Бидејќи тој е единствената личност која беше во контакт со Шево по убиството постои сомневање дека има клучни информации. Од таа причина, според порталот, Обвинителството може да му „прости“ на дека е соучесник во убиството, но да биде клучен сведок против Шево во продолжението на случајот.

ВИДЕО: Во Бања Лука уапсен е осомничен за убиство на монах

Монахот Стефан Ажиќ кој почина по двата убоди во градите беше донстоинствено погребан во средата во манастирот Глоговац.