У17: Македонските фудбалски надежи разочараа, пораз и од Луксембург во Скопје
Репрезентацијата на Македонија до 17 години загуби со 3:2 и од селекцијата на Луксембург во последниот натпревар од мини квалификацискиот турнир за пласман на Европско првенство што ќе се одржи во Унгарија 2023 година.
Избраниците на селекторот Вујадин Станојковиќ на тренинг центарот „Петар Милошевски” со нов пораз го заокружија овој квалификациски циклус. Македонија одлично го започна натпреварот. Мухамед Елмас успеа да погоди уште во четвртата минута и да и донесе предност на својата селекција.
Противникот во период од четири минути успеа да направи комплетен пресврт. Израмнувачки гол постигна Бенслаиман во 36 минута. Голот за водство на Луксембург го постигна Федерспиел во 40 минута од средбата.
Во продолжението, Македонија успеа да го израмни резултатот. По асистенција на Ајетовиќ, Младеновски погодува за 2:2. Во последните мигови од средбата, Федерспиел погоди за победа на Луксембург со 3:2.
Македонија: Хаџибулиќ, Мемиши, Љубевски, Стојковски, Велков, Димитријевски, Јовановиќ, Подграѓа, Елмас, Алиу, Алији;
Во вториот натпревар, на стадионот на Македонија Ѓ.П., фаворитот Франција славеше убедлива победа над Исланд од 4:0, со што го потврди првото место во групата 9 од квалификациите.