Мејлот кој тимот за изборна кампања на Доналд Трамп го испратиле на неговите поддржувачи сериозно го налути претседателскиот противкандидат Џо Бајден, кој во писмо до своите поддржувачи напиша дека ниту една реченица од писмото на Трамп не е вистинита.

– Нема други зборови за ова. Овој мејл е ѓубре, напишал Бајден.

Споменатото писмо, пратено од профилот на Трамп за изборната кампања има наслов „Џо Бајден е виновен“, а во текстот се објаснува и зошто. Како што се наведува, бившиот потпретседател ја користел државната моќ за незаконски да ја шпионира претседателската кампања на Трамп во 2016 година и да го прошири митот за руското влијание на изборната кампања. Сега, наводно постојат индикации дека „Заспаниот Џо“ е виновен, но во писмото не е објаснето со какви индикации и кој го шпионирал по барање на Бајден.

Тоа е бидејќи веројатно обвинението на Трамп на сметка на Бајден нема поврзаност со реалноста, оценува германски Шпигл. Дури и министерот за правда на Трамп, Вилијам Бар во петокот изјави дека не верува дека преиспитување на истрагата за руското мешање во американските претседателски избори ќе го поврзува и Бајден.

AG Barr: "I have a general idea of how Mr. Durham's investigation is going and as I have indicated, some aspects of the matter are being examined as potential crimes." pic.twitter.com/lYHM5Dm4Z2

— The Hill (@thehill) May 18, 2020

На Трамп меѓутоа и не му е важна вистината. Него го загрижуваат анкетите, кои покажуваат дека Бајден води и во таканаречените неодлучни држави како Мичиген и Пенсилванија, кои веројатно ќе бидат пресудни на исходот на претседателските избори во ноември оваа година.

Трамп Џуниор му помага на татко си

Пред неколку недели Доналд Џон Трамп Џуниор почна кампања за ширење на лаги за Бајден. Најстариот син на претседателот на Инстаграм стави фотографија од Бајден, кој наводно вели „Се гледаме подоцна, алигатору“, на што алигаторот одговара „Наскоро, педофилу“.

1. The 3 ? emojis in the caption should indicate to anyone with a scintilla of common sense that I’m joking around.

2. If the media doesn’t want people mocking & making jokes about how creepy Joe is, then maybe he should stop the unwanted touching & keep his hands to himself? https://t.co/Jy98aq6yWD pic.twitter.com/Kcr9jdPSbC

— Donald Trump Jr. (@DonaldJTrumpJr) May 16, 2020

Трамп подоцна објаснил дека се шегувал и дека заради тоа на крајот ставил смајли.

Друга мета на напад бил синот на Бајден, Хантер. Трамп Џуниор бараше од Кина да ги преиспита активностите на Хантер Бајден, кој наводно добил 1,5 милион долари од Пекинг и преговарал со една кинеска банка. Доказ дека ги добил парите од Кина нема, но како и во аферата со Украина, која на крај донесе до подигнување на постапка за гласање на недоверба за претседателот, и овој пат синот послужи за да го наруши угледот на татко си, пишува Шпигл.