Трајанов: Ќе ја преиспитаме поддршката за Владата ако во рок од три месеци не се воведе една изборна единица
Лидеорот на Демократски сојуз и пратеник во Собранието, Павле Трајанов, останува на ставот дека доколку за три месеци не се усвојат измените за една изборна единица, ќе размисли дали и понатаму ќе ја поддржува Владата.
-СДСМ во основа поддржува една изборна единица и тоа беше нивниот став дека треба да се отвори расправата за ова прашање, меѓутоа големите партии често го менуваат мислењето и таков општ консензус тешко дека ќе се обезбеди. Јас сум оптимист дека три месеци е оптимално време кога може да се донесат усвојат измените на Изборниот законик. Ако за три месеци не се усвојат, ќе ја преиспитаме нашата поддршка на Владата, рече Трајанов во емисијата „360“.
Тој информира дека разговарал за ова со премиерот Димитар Ковачевски и оти тоа прашање е дел од приоритетите на Владата.