Земјотрес со јачина од 1,7 степени според Рихтеровата скала утринава е регистриран во регионот на Топола.

Тлото во Србија не престанува да се тресе, пред само неколку часа се случи уште еден земјотрес во Крагуевац, по што некои граѓани пријавија материјална штета.

Синоќа Крагуевац дваесетина минути по полноќ го погоди нов земјотрес, а потресот бил почувствуван и во Белград. Само неколку часа подоцна земјата повторно се затресе од нов потрес со јачина од 2 степени.

Иако Европско-медитеранскиот сеизмолошки центар (EMSC) објави дека земјотресот бил со јачина од 4,4 степени според Рихтеровата скала, набрзо објавија дека силината била 3,9.

Според податоците на Републичкиот сеизмолошки центар на Србија, земјотресот се случил синоќа во 23.25 часот и бил со јачина од 4,1 степени според Рихтеровата скала. Земјотресот, според податоците на ЕМСЦ, бил на длабочина од два километри.

Тој земјотрес бил почувствуван во централните делови на Белград, но и на места околу Крагуевац.