Првиот фаворит за освојување на титулата на ракометното Европско првенство, Норвешка, остана без еден од најдобрите ракометари, Магнус Абелвик Род.

Ракометарот на Фленсбург заработи фрактура на стапалото во натпреварот против Шведска, и по денешните детални лекарски прегледи, Магнус Род ќе мора да паузира најмалку 20 дена, што значи дека неговиот настап на овој европски шампионат дефинитивно е завршен.

– Тешко ми е, немам други зборови во овој момент. Сакав да им помогнам на колегите од репрезентацијата во во полуфиналето и финалето, но немав среќа. Тешко е да се најде мотивација кога вакво нешто ќе се случи. Верувам дека ракометарите можат и без мене да го освојат златниот медал – изјави Род.