Во село Бучинци, скопско вчера избувнал пожар и горела голема површина сува трева, а од пожарот биле зафатени околу 50-тина сандаци со пчели, сопственост на Д.Р. (50) од село Марино, скопско. Пожарот, како што соопшти МВР, бил изгаснат од екипи на Бригадата за противпожарна заштита.
Вчера утро во СВР Скопје е пријавено дека во полуотвореното одделение во Казнено-поправната установа „Идризово“ во Скопје, во делот на бањата, настанал пожар. Според пријавата, пожарот ја зафатил кровната конструкција. Пожарот бил изгаснат од екипа на бригадата за противпожарна заштита, а повредени лица.
Граѓанин вчера во 16.20 часот во пријавил дека пламнал пожар во џамија во скопското село Рашче. Во пожарот опожарен бил горниот дел од минарето. Во 17.15 часот пожарот бил изгаснат од Бригадата за противпожарна заштита. Повредени лица нема и други оштетувања на џамијата нема.
