Светското првенство во Катар е доказ дека Премиер лигата е најсилна лига во светот?

Фото: EPA-EFE/PETER POWELL

Со уште 62 фудбалери кои играат за 14 клубови англиската Премиер лигата е најзастапено првенство помеѓу осумте репрезентации од четвртфиналето на Мундијалот.

Премиер лигата е на врвот, зад неа и покрај изненадувачката елиминација на Шпанија следи Ла Лига со 30 играчи распоредени во осум клубови. Италија која беше поразена од Македонија во баражот и воопшто не игра на СП од својата Серија А има 23 играчи во девет клубови.

Зад Италијанците, следат Французите со Лига 1, имаат 18 играчи во осум клубови. На петтата позиција е Бундеслигата со 17 играчи во осум клубови и на крајот холандското првенство со 11 играчи во три клуба.

На клупско ниво на врвот се градските ривали Манчестер Сити и Манчестер Јунајтед кои имаат по 11 фудбалери во Катар. ПСЖ и Ајакс со по седум се зад нив.

Видео на денот