Единствениот кадет кој го преживеа падот на украинскиот воено-транспортен авион кај Харков опиша што се случувало со авионот, наведувајќи дека се било како во компјутерска игра.

– Тој не се сеќава на ништо. Во еден момент изгубил свест, а кога се повратил, се извлекол од остатоците на авионот и почнал да го гаси пламенот на еден од своите колеги, рече шефот за администрација во Харков, Алексеј Кучер.

Тој рече дека кадето не скокнал од авионот за да се спаси, како што првобитно се мислело.

Преживеаниот кадет во болница го посети и претседателот на Украина Владимир Зеленски, кој вчера го обиколи и местото на несреќата.

Воено- транспортниот авион Ан-26 се урна во петокот вечер во близина на градот Чугуев во Харковската област во текот на тренинг лет. Во авионот биле 27 лица – седум членови на екипажот и 20 кадети. Загинаа 26 од нив.

Двајца кадети успеале да се извлечат од авионот, но едниот од нив подоцна почина во болница.

Моментот на ужасот: Се појави снимка од падот на украинскиот авион (ВИДЕО)