Судир меѓу два товарни брода во Егејското море – со знаме на Вануату и Сингапур – во морската област лоцирана на 9 наутички милји северно-северозападно од Хиос, се случи претходно во петокот напладне, јавија грчките медиуми.

Според информациите, товарниот брод под знамето на Вануату со име АНТ има 13 членови на екипажот , а другиот товарен брод по име „Потенција“ има 19 членови на екипажот.

Бродот АНТ пловел од Александрија, Египет и бил наменет за Украина. Другиот, Потенција, отпловил од Смирна.

Судирот се случил во меѓународни води, во грчка област на одговорност за потрага и спасување, а грчкото Министерство за поморство ги известило капетаните на бродовите дека судирот се случил во грчко подрачје за пребарување и спасување. Временските услови во областа се добри.

Шест бродови на крајбрежната стража, морско пловило, брод на морнарицата, хеликоптер Супер Пума и други пловила се упатиле на местото на судирот, додека според информациите грчките сили веќе се на еден од двата бродови кои се судриле.

Двата брода се неоптоварени и нема опасност да потонат. Од сударот нема повредени ниту пак некој од членовите на екипажот паднал во морето. Според извештаите нема ниту истекување на нафта.

-Забележано е дека во областа пристигнале и бродови на турската крајбрежна стража, во обид повторно да провоцираат, следејќи ја познатата тактика за да ги убедат капетаните дека областа припаѓа на турската јурисдикција за пребарување и спасување, пишуваат грчки медиуми.