Шпанскиот шампион Барселона заборави да победува на гости во оваа сезона. Каталонскиот тим од 23 април па досега се уште нема победа на гостински натпревар, а последен тим кој и го зеде скалпот е Гранада која вчера славеше со 2:0.

– Можеби нè пресече рано примениот прв гол, но тој не го одлучи победникот. Се обидовме да израмниме, но примивме и втор гол, по што ни беше многу тешко да се вратиме.

Играме многу лошо на гостувањата. Играчите се тие кои губат или победуваат на терен, но и јас чувствувам одговорност за ова што се случи. Не заслуживме да победиме – изјави Ернесто Валверде, тренерот на Барселона кој е на удар на јавноста поради слабите резултрати.

И самите играчи се свесни дека екипата игра многу лошо на гостувањата, а против Барселона во првото полувреме не успеаја да упатат ниту еден удар во рамките на голот.

– Имавме поголем посед на топка, но не успеавме да созададеме шанси за гол. Барселона не смее да си дозволи вакви порази – изјави напаѓачот Луис Суарез.