Стипендии за додипломски студии на Московскиот државен институт за меѓународни односи

Скопје, октомври 2020 / Фото: Драган Митрески - Слободен печат.

Московскиот државен институт за меѓународни односи (МГИМО) при Министерството за надворешни работи на Руската Федерација е спремен да прими две лица од Република Северна Македонија на додипломски студии за учебната 2021/2022 година, согласно одлуката на Претседателот на Руската Федерација.

-Во согласност со Наредбата на Министерството за наука и високо образование на Руската Федерација доставувањето на документите до Комисијата за прием на странски државјани во 2021 година ќе се врши исклучиво во електронска форма, соопшти МОН кое на веб-страницата ги наведе потребните документи со кои кандидатите треба да се пријават, заедно со електронската апликација.

Потребните информации за кандидатите се објавени на сајтот www.mgimo.ru  Приемните испити на руски и странски јазик за апликантите во 2021 година ќе се одржат на дистанца, по 15 август, а датумите за испити ќе бидат објавени подоцна.

Документите треба да се поднесат најдоцна до 27 април 2021 до Министерството за образование и наука,  Сектор меѓународна соработка, ул. „Свети Кирил и Методиј’ бр.54  1000 Скопје

Видео на денот