Силна поддршка од Соединетите Американски Држави во исполнување на стратешките приоритети и реформите за владеење на правото, како и продолжување на силното партнерство, е очекувањето што го изразил министерот за правда, Бојан Маричиќ на денешната средба со американската амбасадорка, Кејт Брнз.

Како што се наведува во соопштението од Министерството за правда, Маричиќ нагласил дека САД се значаен сојузник во процесот на градење силни и на независни институции и реформи, базирани на принципите на владеење на правото, заштитата на човековите права и борбата против корупцијата.

На средбата Маричиќ ја претстави својата мандатна мисија и потенцирал дека покрај членството на Република Северна Македонија во НАТО и зајакнување на безбедноста на државата, преостанува уште една стратешка определба за исполнување, а тоа е членството во Европската Унија, се наведува во соопштението.