Техничкиот премиер Оливер Спасовски во Владата одржа прес-конференција, каде информираше за моменталната сојстојба со коронавирусот, како и за прогласената кризна состојба во Дебар и Центар Жупа.

Спасовски истакна дека оваа кризна состојба во Дебар и Центар Жупа ќе трае 30 дена.

На новинарско прашање за евентуално одложување на изборите, рече дека разговарал со сите лидери на партиите.

-Утрово разговарав со сите лидери на политичките партии, ме информираа дека се ставени во мораториум сите активности на политичките партии, тоа ќе трае до 22 март, пред почетокот на кампањата. И тоа е добра порака, којашто произлезе од лидерската средба, дека за сите нас животот и здравјето е пред се. Најсилната порака во овој момент треба да ја пратат токму политичките субјекти- рече Спасовски.

Сите политички лидери, рече Спасовски, вклучувајќи ги и Зоран Заев и Христијан Мицкоски се согласуваат дека сите политички активности треба да останат во мораториум со 22 март.