Солскјер крои шампионски тим, Мегваер официјално нов играч
Уште од претходно се најавуваше дека Мегваер ќе потпише за „црвените ѓаволи“…
Официјално потпиша договор на шест години со Манчестер јунајтед, со опција истиот да биде продолжена на уште една сезона.
За неговиот досегашен клуб Лестер следува обесштетување од дури 90 милиони евра. Со овој трансфер го надмина Виржил ван Дајк од минатото лето (85.000.000) и стана најскапиот дефанзивец во историјата на фудбалот.
– Пресреќен сум што потпишав за ваков одличен клуб. Уживав во играњето за Лестер и сакам да им се заблагодарам на сите во клубот, како и на навивачите на одличната поддршка во изминатите две сезони. Кога Манчестер испрати понуда, тоа беше неверојатна можност. Многу сум возбуден поради визијата на клубот и шансата која ми се даде. Сакам да освојувам трофеи – рече Мегваер.
Пофални зборови за овој дефанзивец имаше и менаџерот на „црвените ѓаволи“, Оле Гунар Солскјер.
– Тој е еден од најдобрите дефанзивци и мило ми е што одлучи да биде со нас. Има повеќе квалитет во својата игра, а најдобро е тоа што феноменално ја чита играта. Мислам дека многу добро ќе се вклопи во нашата екипа – вели Солскјер.
