Снежана Василевска ни препорачува: Израдувајте ги најблиските денес со сочна и брза, солена торта со пилешко!
Потребни состојки:
- 1 килограм пилешки стек
- 300 грама кашкавал
- 3 јајца
- 1 чашка кисела павлака
- лебни трошки со зачини
Подготовка:
Стекот се сече на подебели шницли и се зачинува.
Се подготвуваат состојките за поховање. Секое парче месо се потопува во изматени јајца, па во ренданиот кашкавал и на крај во лебните трошки.
Вака формираните шницли се редат во средно голем намрсен сад, во два слоја. Горниот слој тенко се премачкува со павлака и садот се става во рерна на 180°С. Се пече околу 20 мин.
За тоа време се соединува остатокот од јајцата, павлаката и кашкавалот. Оваа смеса се нанесува врз скоро готовото јадење кое се враќа во рерна да се допече уште десетина минути.
Може да се јаде и топло и ладно. Кога јадењето е добро оладено, лесно се сече на тенки парчиња – за во ордевер, сендвич и слично…
Послужете и уживајте!
На здравје!
За повеќе вакви рецепти, заследете ја ОВАА ФЕЈСБУК ГРУПА и ОВОЈ ИНСТАГРАМ ПРОФИЛ.
