Новак Ѓоковиќ со фантастична игра и 2:0(6:3, 6:3) во сетови го прегази Јаник Синер и стигна до својата седма титула на завршниот Мастерс во Торино.

Од самиот старт можеше да се забележи мотивираноста на Ѓоковиќ да се реваншира на Синер за поразот во групната фаза, а против ваков Ѓоковиќ домашниот тенисер едноставно немаше шанса.

Победата на Ѓоковиќ беше најавена со првиот брејк во четвртиот гем кога најдобриот светски тенисер поведе со 3:1. До крајот на првиот сет Ѓоковиќ сигурно го чуваше својот сервис и за 38 минути игра поведе со 1:0.

Novak Djokovic DOESN’T MISS 🤯@DjokerNole #NittoATPFinals pic.twitter.com/FuKMIHUriD

— Tennis TV (@TennisTV) November 19, 2023

Фуриозно го започна Ѓоковиќ и вториот сет па уште на стартот со брејк поведе со 1:0. Најголемата шанса Синер да се врати во мечот ја пропушти во шестиот гем кога испушти две брејк топки во низа, а Ѓоковиќ успеа да се врати и да го добие сетот за 4:2. До крајот Ѓоковиќ не беше убедлив како во првиот сет, но Синер правеше грешки во клучни моменти, а тоа Ѓоковиќ го искористи за да го освои сетот со 6:3 и да дојде до титулата.